Telerau ac amodau
Amdanom ni
Mae Historic Royal Palaces yn elusen annibynnol ac yn gorff â siarter frenhinol sy’n gofalu am chwech o balasau sydd ymysg y mwyaf rhyfeddol yn y byd. Ein rhif elusen gofrestredig yw 1068852. Am fwy o wybodaeth am y palasau rydym yn gofalu amdanynt a’n gwaith, ewch i'n gwefan www.hrp.org.uk.
Telerau ac amodau y Gwobrau Addysgu Hanes Ysbrydoledig
Mae’r telerau ac amodau hyn yn nodi sut i gymryd rhan a sut y byddwn yn beirniadu’r gwobrau. Drwy enwebu eich hun neu rywun arall ar gyfer y gwobrau, neu drwy dderbyn enwebiad, rydych yn cytuno i’r telerau canlynol.
Meini prawf cymhwyster
Mae’r gwobrau hyn ar agor i athrawon hanes sy'n dysgu plant oedran ysgol ledled y DU ac sy’n addysgu ar hyn o bryd mewn ysgolion Cynradd, Uwchradd, Addysg Bellach, Anghenion Addysgol ac Anabledd Arbennig/Anghenion Cymorth Ychwanegol neu leoliadau darpariaeth amgen eraill.
Mae’r gwobrau hyn ar agor i athrawon ym mhob cam o’u gyrfa, gan gynnwys athrawon sydd ar ddechrau eu gyrfa.
Nid yw athrawon mewn lleoliadau addysg yn y cartref na thiwtoriaid preifat yn gymwys.
Mae'r meysydd pwnc canlynol wedi eu cynnwys: Y Byd O'n Cwmpas a'r Amgylchedd a Chymdeithas yng Ngogledd Iwerddon; Maes Dysgu a Phrofiad y Dyniaethau yng Nghymru; Astudiaethau Cymdeithasol yn yr Alban.
Beirniadu a gwobrau
Bydd ceisiadau’n cael eu rhannu’n 10 ardal (Cymru, Yr Alban, Gogledd Iwerddon a 7 rhanbarth yn Lloegr) ledled y Deyrnas Unedig. Bydd enillwyr ar gyfer pob ardal yn cael ei ddewis gan banel o feirniaid lleol.
Bydd yr enillwyr rhanbarthol a chenedlaethol hyn yn derbyn gwobr ariannol o £500 yr un ac aelodaeth flynyddol o Historic Royal Palaces. Bydd ysgolion yr enillwyr yn derbyn gwobr o £500 i’w gwario ar addysg hanes.
Bydd pob enillydd rhanbarthol a chenedlaethol yn cael gwahoddiad i ddod yn Hyrwyddwyr Athrawon Historic Royal Palaces. Bydd cyfleoedd yn cynnwys hwyluso hyfforddiant athrawon a chyflwyno mewn digwyddiadau arbennig Rhwydwaith Athrawon dan arweiniad Historic Royal Palaces.
Bydd pob enillydd yn cael gwahoddiad i Dŵr Llundain ar gyfer seremoni wobrwyo a chinio dathlu ar 20 Mehefin 2026, pan fydd enw'r enillydd cyffredinol, a ddewisir gan banel uchel ei barch o haneswyr ac addysgwyr, yn cael ei gyhoeddi. Bydd Historic Royal Palaces yn talu costau teithio a llety ar gyfer y digwyddiad hwn (os cânt eu cymeradwyo).
Bydd yr enillydd cyffredinol yn derbyn gwobr ychwanegol o £500 (£1000 i gyd) aelodaeth oes o Historic Royal Palaces, a bydd ysgol yr enillydd cyffredinol yn derbyn gwobr ychwanegol o £500 (£1000 i gyd) i’w gwario ar addysg hanes.
Sut i ymgeisio
Gallwch gyflwyno enwebiad ar eich cyfer eich hun neu ar gyfer rhywun arall. Rhaid i'r person sy'n enwebu greu cyfrif gyda Award Force cyn mewnbynnu gwybodaeth.
Gweld Telerau Gwasanaeth, polisi preifatrwydd a chytundeb prosesu data Award Force.
Mae’r ceisiadau’n agor am 00.01 ar 21 Hydref 2025 ac yn cau am 23.59 ar ddydd Sul 25 Ionawr 2026.
I enwebu rhywun ar gyfer y wobr mae’n rhaid i chi fod dros 18 oed. Os yw myfyriwr o dan 18 oed am enwebu athro, mae angen iddynt gael oedolyn i gofrestru ar wefan y gwobrau a chwblhau’r enwebiad.
Os cewch eich enwebu, byddwch yn derbyn e-bost gan no-reply@app.awardforce.com fydd yn eich gwahodd i gyflwyno rhagor o wybodaeth a thystiolaeth i gefnogi eich cais am y wobr. Rhaid i chi ddarparu gwybodaeth ar gyfer 4 allan o'r 6 maen prawf a amlinellir isod:
- Defnyddio dulliau creadigol/arloesol er mwyn dod â’r gorffennol yn fyw
- Ymgorffori arferion addysgu cynhwysol er mwyn gwneud hanes yn hygyrch ac yn berthnasol i bob disgybl
- Annog sgiliau ymchwilio a chwilio hanesyddol
- Archwilio hanesion amrywiol a straeon llai adnabyddus mewn ffyrdd diddorol
- Defnyddio ffynonellau hanesyddol a safleoedd treftadaeth yn effeithiol i gyfoethogi dysgu
- Codi statws hanes fel pwnc yn eich cymuned ysgol
Darllenwch y canllawiau ar gyfer pob un o'r meini prawf yma.
Cewch gyflwyno hyd at 10 darn o dystiolaeth i gefnogi eich cais.
Rhaid dileu enwau myfyrwyr neu wybodaeth bersonol adnabyddadwy o'r dystiolaeth.
Ni dderbynnir ceisiadau a dderbynnir ar ôl y dyddiad cau, nac unrhyw geisiadau anghyflawn.
Dim ond drwy'r llwyfan gwobrau y derbynnir ceisiadau. Ni dderbynnir unrhyw geisiadau a anfonir drwy e-bost, post neu unrhyw fformat arall.
Ni dderbynnir ceisiadau nad ydynt yn cydymffurfio â’r holl feini prawf.
Ni ellir golygu ceisiadau ar ôl iddynt gael eu cyflwyno.
Drwy gyflwyno enwebiad neu ymateb i gais am enwebiad, rydych yn cytuno bod yr holl wybodaeth a thystiolaeth a gyflwynir yn wir ac yn gywir hyd eithaf eich gwybodaeth.
Nid ydym yn argymell defnyddio meddalwedd awtomataidd nac meddalwedd deallusrwydd artiffisial i baratoi eich cais.
Y broses feirniadu
Bydd staff Historic Royal Palaces yn llunio rhestr fer o’r ceisiadau ac yn eu cyflwyno i baneli o feirniaid annibynnol i ddewis enillydd rhanbarthol neu genedlaethol. Mae penderfyniadau beirniadu yn nwylo paneli beirniaid yn unig ac ni fydd gan unigolion hawl i apelio penderfyniadau.
Enillwyr
Bydd y paneli beirniadu rhanbarthol a chenedlaethol yn dewis un enillydd ar gyfer pob ardal gyda'r enwau'n cael eu cyhoeddi ar ddydd Mercher 25 Mawrth 2026.
Yna bydd y panel beirniadu cyffredinol yn ystyried yr enillwyr rhanbarthol a chenedlaethol hyn, ac yn dewis un enillydd cyffredinol. Cyhoeddir enw'r enillydd hwn ar ddydd Sadwrn 20 Mehefin 2026.
Bydd yr enillwyr yn derbyn eu gwobrau cyn gynted ag y bo modd ar ôl y seremoni wobrwyo.
Os bydd athro buddugol yn symud ysgol neu'n gadael y proffesiwn, caiff gwobrau i'w ysgol eu trafod fesul achos.
Perchnogaeth ceisiadau enwebu gwobrau
Rydych yn cadarnhau eich bod yn berchen ar yr hawliau cyfreithiol mewn unrhyw waith artistig neu lenyddol gan gynnwys, ond heb fod yn gyfyngedig i, unrhyw ffotograff, delwedd, gwaith celf neu destun a rennir gyda Historic Royal Palaces at ddibenion y gwobrau hyn.
Byddwch yn cadw perchnogaeth unrhyw weithiau artistig neu lenyddol a gyflwynwch gyda’ch cais, gan gynnwys ffotograffau, delweddau, sain neu destun, ond rydych yn cytuno y gall Historic Royal Palaces, yn ôl ein disgresiwn llwyr, wneud unrhyw ran o’ch enwebiad ar gael ar ein gwefan (www.HRP.org.uk) ac mewn unrhyw gyfryngau eraill mewn cysylltiad â chyhoeddusrwydd ar gyfer y gwobrau neu Historic Royal Palaces.
Rydych yn cadarnhau na fyddwch yn cynnwys unrhyw wybodaeth bersonol am unrhyw un heblaw amdanoch eich hun yn eich cais.
Diogelu data a chyhoeddusrwydd
Oni bai eich bod wedi nodi ar wahân eich bod yn dymuno i Historic Royal Palaces gysylltu â chi am ein gwaith, bydd HRP ond yn prosesu eich gwybodaeth bersonol mewn cysylltiad â’r gwobrau, ac er mwyn cyflawni’r telerau ac amodau hyn.
Bydd pob gwybodaeth bersonol yn cael ei thrin yn unol â’n polisi preifatrwydd sydd ar gael yn https://www.hrp.org.uk/privacy-notice.
Bydd Award Force yn prosesu gwybodaeth bersonol yn unol â’u polisïau. Gweler Telerau gwasanaeth, polisi preifatrwydd, a chytundeb prosesu data Award Force.
Bydd Historic Royal Palaces yn cyhoeddi enwau llawn enillwyr y gwobrau ac enwau eu hysgolion ar ein gwefan, ac efallai y byddwn yn gofyn i chi gymryd rhan mewn cyhoeddusrwydd ar gyfer y gwobrau.
Gallwch wrthwynebu cyhoeddi eich gwybodaeth a gwrthod cymryd rhan mewn unrhyw gyhoeddusrwydd. Fodd bynnag, bydd modd cael gafael ar fanylion yr enillwyr drwy anfon e-bost at info@HRP.org.uk o fewn 30 diwrnod ar ôl y Dyddiad Cyhoeddi.
Cyffredinol
Os oes unrhyw reswm dros gredu bod y telerau ac amodau hyn wedi’u torri, gall Historic Royal Palaces, yn ôl ein disgresiwn llwyr, gadw’r hawl i'ch eithrio rhag cymryd rhan yn y gystadleuaeth.
Mae Historic Royal Palaces yn cadw'r hawl i ddatgan yn annilys, atal, canslo, neu ddiwygio'r gwobrau lle bo angen gwneud hynny.
Mae'r telerau ac amodau hyn yn cael eu llywodraethu gan gyfraith Cymru a Lloegr. Os oes unrhyw ymgeiswyr am y gwobrau hyn yn dymuno cymryd camau cyfreithiol, rhaid iddynt wneud hynny o fewn llysoedd Lloegr.